Wednesday, April 1, 2009

وماشي يا وطن ماشي


عشرات جثث المصريين ملقاه على شاطئ ليبيا بعد موتهم غرقا في رحلة هجرة غير شرعيه
http://7abetshe3r.blogspot.com/2008/01/blog-post_13.html


وماشي يا وطن ماشي



ومتشكر .. أنا ماشي
وعيني اللى انت أبكيته
اوما اهتميت بدمعتها
كانت بتبات وتحلم بك
ولو تزعل ما تهناشي
لكن يللا باقول لك ايه
أنا ماشي
وماشي يا وطن آسي
يا ناسيني ومش ناسي..
وباستغرب ومش فاهم
صحيح تقصد تغربني
مابين أهلي وبين ناسي ؟
وضقت خلاص بأنفاسي
ورب الكون أنا ابنك
ودمك في الوريد ماشي
لكن يللا باقول لك إيه
ما تزعلشي .. انا ماشي
أنا ماشي ومش ندمان
ما هو برضه حرام يعني
أعيش سقا وأموت عطشان
حرام أفضل ذليل لقمة تسيبها لي
وعايزني أكون إنسان
دموعي يا وطن جفت
..خلاص تعبان
.خلاص حامشي
أشوف نفسي في أي مكان
ولو حانذل يا وطني .. وإيه يعني
مـ انا عايش هنا برضوا ذليل ومهان
وباتحاكم عشان فنان
وابات أغزل على نولي جلاليبك
وأنام عريان
حاجات تانيه كتير ياما ..أقول ولا ما أقولهاشي
عموماً يا وطن حاسكت
لكن يللا باقول لك ايه
ما تزعلشي
انا ماشي
أنا ماشي وجوايا الألم مكبوت
وباسأل نفسي ميت مره
..وانا شايف بعيني الموت
صحيح كلمة وطن .. يعني
حنان أمك وأحضانها ؟
صحيح كلمة وطن دي
تموت الناس علشنها
صحيح كلمة وطن قوة
صحيح جنه لسكانها
صحيح كلمة وطن آية
وأعلى ربنا شانها ؟
وبارجع تاني واتألم
واقول يمكن أكون غلطان
لأن الكلمة جوايا بدون معنى
ولا عنوان
ومكتوبة على جرحي
وقبل الكلمة فيه كلمة
وكان يا ما كان..
عموماً يا وطن هانت
..سفينة الموت على المرسا
..آهي بانت
..وليل البحر مستني
بإيدك يا وطن يللا
وشيلني
أنا ماشي .
.لكن تسمح لي أتمنى ؟!
!وتسمعني ..
!!باقول يعني دا لو ممكن ..
لوارجع لك غريق عايم على شطك
باقول ممكن تسبلني ..!!؟
تبص ف عيني لو مره
تكفني ..؟!
تغطيني ولو مره
وتدفنّي ..؟!
تدفيني ولو مرة
وتحضني ولو مرة
وتبكي حتى لو مرة
ولو كانت دموع مرة
لكن عيط ما تبقاشي ..
أنا قصدي ..عموماً يا وطن يللا
باقول لك ايه ما تزعلشي
أنا ماشي
وماشي يا وطن ماشي
http://7abetshe3r.blogspot.com/2008/01/blog-post_13.html
ابداع ... صلاح جلال

Friday, January 16, 2009

الجزء الثاني ... يا قمة ما تمت خدها الخاين وطار



المشهد الثالث :
استيقظ ابو علاء على صوت حركة الطائرات في مطار الرياض نادى على أحد الحراس متسائلا إحنا فين دلوقت يا ابني ؟
الحارس : فخامتك إحنا وصلنا الرياض
أبو علاء : وايه اللي جبنا الرياض هتمونو بنزين ولا ايه ؟
الحارس : لا يا ريس سمو الملك عبده شريعة منتظرك في الرياض
أبو علاء : آه آه افتكرت نظر في الساعة فوجدها تقارب الثالثة فبدأ بتجهيز نفسه لمراسم الاستقبال الملكي .
الملك عبده شريعة : يا هلا يا مراحب يا فخامتك والله مشتاجين يا أبو علاء
أبو علاء : يا اهلا بسموك ، واحنا والله مشتاقين ... ايه الاخبار طمني
عبده شريعة : ليش متصربع بتستريح تاخد نفساك وترتب حالك وناكل عيش وملح زي ما بتقولوا في مصر ونكلم
أبو علاء : لا سموك مفيش وقت للكلام ده عاوزين نشوف هنعمل ايه بسرعة وبعدين انا صايم النهاردة الاتنين زي ما انت عارف .
عبده شريعة : والله انت صايم مثلي والله انا بردو بصوم كل اتنين وخميس ... بينا علجصر .
يذهب الزعيمان الى القصر ويجلسان في قاعة مذهبة بعد العصر ويتناولان بعض الاطعمة والمشروبات ويبدء النقاش
أبو علاء : دلوقتي موضوع القمة بتاع الدوحة ده لازم نخلصه ونرتب هنعمل ايه بالضبط .
عبده شريعة : اه والله موضوع بيصير خطير ، وما في حل إلا اننا نروح لو بيكتمل النصاب
ابو علاء : مش هيكتمل النصاب يعني مش هيكتمل النصاب
عبده شريعة : كيف يا ابو علاء ... العدد بيوصل 14 ولسه يومين وممكن النصاب بيكمل في اي وقت
أبو علاء : يكتمل امال احنا قاعدين نعمل ايه متقلقش احنا معانا المحبس العمومي وفي الاخر القمة بتاعتنا يعني يوم ما تكمل وده مش هيحصل هنخلي عمرو يعلن ان مفيش قمة وان النصاب مكتملش .
عبده شريعة : يعني احنا اتنين وباجي سبعة كمان علشان نوجف هالقمة ... وأنا ما بعرف ايش نجول اصلا ليش ما بنروح القمة في هالوقت
أبو علاء : بص احنا نعلن ان القمة تبقى في الكويت ونسخن بتوع الكويت على قطر ونعلن ان انا وانت بنعتبر ان القمة الاقتصادية فرصة للكلام في موضوع غزة وبكده هنقعد الكويت ومش هتروح ، وهنتصل بالامارات نقول لها ان ايران هتحضر وان احنا طلبنا من قطر ان الوضع لا يسمح بوجود ايران في الوقت ده بينا احنا لان فيه حساسيات بين كتير من الدول العربية وايران ونقول للإمارات ان قطر رفضت وقالت انها بالفعل ارسلت دعوة ومعملتش اعتبار لكلمنا
عبده شريعة : طيب وانا كمان ما بروح لو ايران بتروح
ابو علاء : مه إنت كده كده مش رايح سموك
عبده شريعة : طيب كده الإمارات ما بتروح الدوحة هيه والكويت .... طيب والباقي
ابو علاء : انت بتعمل بكرة اجتماع سري للزعماء الخليجيين وتروج موضوع وجود ايران في القمة وتعتب على أمير قطر بشدة في دعوته واحراجه ليكم انه دعا نجاد ، وتقول له انكم كلكم فهمتم انك كده بتقول لينا منجيش وبتحرجنا وطبعا مش انت بس اللي هيعتب عليه هتلاقي الكويت والإمارات .
عبده شريعة : طب ليه ما بعملها قمة خليجية بحيث انها تحسب لمجلس التعاون الخليجي بس إيش نسوي في موضوع القرارات والله ما في قرارات ... ايه رأيك يا ابو علاء في القرارات ايش نقول
ابو علاء : والله اي حاجة المهم تطلعوا قرارات مثلا ... متابعة الجهود لحل ازمة غزة .... ضرورة قبول المبادرة المصرية من الطرفين
عبده شريعة : ثواني ابو علاء ثواني بريد اكتب القرارات ...... طيب كده يبقى الكويت والامارات والبحرين ووالسعودية ... طيب بتوع عمان اصلا موضوع ايران ده ما بيفرق معاهم واليمن ما بيحضر معنا وهيروح
ابو علاء : احنا معانا تونس اعلنت مش رايحة والمغرب اعلنت مش رايحة وانا هقول لعبد الله دينار ميرحش وانا مصر مش رايح يبقى عاوزين اليمن أو اي دولة كمان متجيش
عبده شريعة : أنا بعرف أمنع اليمن
أبو علاء : والله حاجة تقرف مش عارف ايه جيبوتي وجزر القمر والصومال ايه دخل دول في القضية ولا ايه علاقتهم بالقضية
عبده شريعة : والله كلامك زين الجضية دي بتاعتنا احنا ، لكن نجول ايه ابو علاء دي اصوات ولها قرار في النصاب
ابو علاء : طيب انت ازاي تظبط مع اليمن ... انا بقلك من أبو صلوحة كتير وليه ساعات تصرفات غريبة
عبدالله شريعة : ما تحمل همه والله عشرة مليون دولار يخلوه ما يخرج من صنعا اسبوع
ابو علاء : لا سموك بلاش اسبوع ... احنا عاوزينه يوم الاتنين في الكويت .. وبعدين انت هتديله عشرة مليون علشان مش هيروح طيب أنا رايح اديني انا بقه عشرة مليون علشان مرحش
عبد الله شريعة : والله لك الخير كله ابو علاء انت بركتنابس ايه رأيك يا ابو علاء في موضوع القمة الخليجية ده والله بركات وفتوحات من السماء بتنزل علينا واحنا قاعدين
يدخل أحد الحراس ويقول لهما المغرب أذن سموك ومادبة الفطار جاهزة ... يدخل أبو علاء متقدما وخلفه سمو الملك عبد الله ويتمتمان بدعاء الافطار ويتناولان إفطارهما





Thursday, January 15, 2009

الجزء الأول - يا قمة ما تمت .. خدها الخاين وطار




يا قمة ما تمت .. خدها الخاين وطار

المشهد الأول :
( مشهد داخلي في القصر )

سوزي : أبو علاء .. قوم يا أبو علاء ... أبو علاء ... قوم بقه اتأخرت
أبو علاء : ايه هيه الساعة كام دلوقت
سوزي : الساعة عشرة ونطاط الحيط مستنيك من الساعة 6 تحت في الصالون
أبو علاء : ياه يا سوزي وسيباني لغاية دلوقت مش أنا قايل ليكي تصحيني الساعة عشرة إلا خمسة ... اديني هتأخر على الراجل تحت .
يصحو أبو علاء ويغير ملابسه وينزل لمقابلة نطاط الحيط في صالون القصر

( نطاط الحيط يتحدث في الهاتف )
نطاط الحيط : لا لا هيه الدوحة نوياها نوياها مسلطه علينا الجزيرة من أول الحرب وجاية دلوقتي تقول قمة بس إحنا بعون الله هنفركشهالهم .
أبو علاء : بتكلم مين يا نطاط ؟
نطاط الحيط يضع يده على سماعة الهاتف ويجيب ده عبده دينار فخامتك بيكلم من عمان .. بيشوف هنعمل ايه في الورطة دي .
أبو علاء : هات السماعة ... يأخذ أبو علاء سماعة الهاتف ويتحدث ... ازيك يا عبده ...أهلا يا سيدي ...والله يا أخي الناس بتوع قطر دول بيستعبطو كل شوية يطلع يقلك قمة يبقى يقابلني لو حد راحله .
عبده دينار : طيب وأنا أعمل ايه يا ريس ، اتصلوا بيه أكتر من مرة وانا مردتش وبعدين فيه 9 دول والنصاب ممكن يكتمل .
أبو علاء : لا لا ابدا انت اقفل تليفوناتك وادخل نام ومتخليش حد عندك يصرح اي تصريح وانا هكلمك بعد ما اخلص قعدتي مع عبده شريعة في الرياض .
عبده : طيب لو فخامتك رايح ما اقابلك هناك ؟
أبو علاء : لا لا يمكن نطلب منك تسافر لحد جنبك علشان تقوله يعمل ايه في موضوع القمة لأني قلقان أوي من سوريا والعراق انهم يوافقوا .
عبده دينار : بس انا مش هينفع اروح سوريا زي ما انت عارف
أبوعلاء : يا سيدي هنشوف نعملها ازاي بس خليك في بلدك ... يالله مع السلامة .
عبده دينار : مع السلامة يا ريس على تليفونات بقى .

نطاط الحيط : طيب وأنا مش هاجي معاك يا ريس ؟
أبو علاء : تيجي معايا فين هو أنا رايح الملاهي ... اقعد هنا البلد فاضية ... الواد جيمي خليته ياخد الحزب ولجنته ويطلع بيهم على العريش واظن انه هيقعد يومين هناك ويمكن يروح يقضي يومين كمان في شرم ... مش عاوزين البلد تبقى فاضية في وقت زي ده .
نطاط الحيط : طيب يا ريس احنا النهاردة هناخد رأي بتوع حماس في المبادرة ناخدها منهم ونسكت ولا نناقشهم فيها ولا نرفض كلامهم خالص .
أبو علاء : شوف عمر هيعمل ايه أنا مرتب كل حاجة معاه ... ويالله بقى اتصل لي ببتوع الحرس علشان اروح المطار .
نطاط الحيط : مش هتفطر يا ريس
أبو علاء : لا النهاردة الاثنين صايم .
نطاط الحيط : لا النهادرة التلات يا ريس
أبو علاء: الاتنين التلات مش فارقة أه كله سنة

المشهد الثاني :
مشهد خارجي في الطائرة في الجو الساعة 12 ظهرا
أحد الحرس : صباح الخير فخامتك
أبو علاء : صباح النور يا سيدي اتصلي بعمر على التليفون وهاته
الحارس : أجيب التليفون ولا أجيب عمر فخامتك
أبو علاء : هاتجيب عمر ازاي على الطيارة وهيه طايرة ... هاته على التليفون طبعا .
الحارس : عمر باشا على التليفون فخامتك ... اتفضل .

أبو علاء : ايه الاخبار عندك يا عمر ؟ .... بص انا عاوزك تطول المفاوضات مع بتوع حماس على قد ما تقدر لغاية ما اوصل واخلص قعدتي مع عبده شريعة ... ومتديهمش عقاد نافع في حاجة اشتري منهم ومتبعش وابقى اتصل بيه قلي ايه الاخبار .
عمر : حاضر فخامتك بس الناس اللي جاية من تركيا دي خنقانا أوي وعمالين يقولوا الوضع مأساوي ولازم نعجل ولازم نوصل لحل سريع ومصربعنا على الاخر وبعدين بتوع اسبانيا كمان بيقولوا ان كلام بتوع حماس منطقي في بعض النقاط .
أبو علاء : بقلك ايه اتلكك على اي حاجة واقلب وشك واعلن توقيف النقاش لمدة ساعتين تلاته .
عمر : حاضر فخامتك تيجي بالسلامة ... معلش مضطر اقفل معاك لان ليفني على التليفون التاني فخافتك .
أبو علاء : طيب خلص معاها ولو فيه حاجة مهمه قلي يالله مع السلامة .
عمر : مع السلامة فخامتك وسلملنا على عبده شريعة .

أبو علاء ينادي على أحد الحراس ... فين يا ابني المضيفة تجيب لينا فطار وحاجة نشربها أنا ريقي نشف من كتر الكلام .
الحارس : اسفين فخامتك سمعنا من معالي الوزير ان حضرتك صايم علشان النهاردة الاتنين .
أبو علاء : صايم ... يا ابني النهاردة التلات حد يصوم يوم التلات .
الهاتف يرن
أبو علاء : ألو أيوة يا عمرو إيه الاخبار ؟
عمرو : يا ريس العددد بقى 11 فخامتك ولو كمل 15 قطر هتحرجنا وتعقد القمة
أبو علاء : مين تاني ... المهم ميكنش الكويت ولا الأمارت ولا العراق فيهم
عمرو : لا دول لسه محدش رد فيهم ... بس الكويت كلمتهم قالوا مستنيين الأمير لما يصحى ويشوفوا يعملوا ايه .
أبو علاء : طيب قطر أعلنت إنها جاية ولا لأ ؟
عمرو : ثواني اتأكد لحضرتك ....... يا ريس ده القمة أصلا في قطر .
أبو علاء : أه أه طيب خلاص ... اقفل دلوقت ولو حد تاني أكد ابقى قلي سلام .
أبو علاء يتناول فطور ويشرب الشاي وبعض العصائر ويغلق هاتفه ليستريح ساعة قبل أن يصل إلى الرياض







Tuesday, January 13, 2009

الطريق إلى غزة ... مكاشفة


· غزة لا تحتاج عجزة ..... غزة تحتاج عزة
· فتش في نفسك عن نخوة ... هل وجدت ؟
· نسيت كيف تغضب ؟ أم إنك تغضب ... ومن البطش تهرب
· ما طعم الحياة في فمك ... أخبرتني أنه مر ... فلما تستطعمه وتطلب المزيد ؟
· تحيا .. تأكل... وتشرب بل تضحك و تمرح والدم ينهمر.. قل لي ماذا فعلت ... بكيت ؟
· طفل مذعور خائف يصرخ قطعت يداه يفتش حوله بعينين مذعورتين عن أمه فلا يجد استشهد الأب و قتلت الأم ينتقل بعينيه فتتلاقى عيناك بعينيه من خلال شاشة الأخبار .. تضغط بأصبعك على قناة أخرى هربا من عينيه .
· ألا يمتلء النسيان ....شيشان وبوسنة وبغداد وأفغان ... ألا ينفجر النسيان ... إن مرت غزة لن تجد إنسان
· رحمة : بابا إنت ليه مش ينع تروح تجاهد في غزة .
ملك : بابا عنده شغل .
· ست ساعات في حجز الشرطة يوم مظاهرة نقابة الصحفيين ، جعلتني اقول ان القضية تحتاج إلى التضحية ... يا للعار ست ساعات وأتحدث عن التضحية .
· قول الصدق هو فعل الواجب وعدم الكلام
.

Wednesday, October 15, 2008

قصص من سطر واحد




سقطت منه بسكويتة في كوب الشاي الساخن نزل لينتشلها فغرق ثم احترق

كان هذا هو أول يوم في حياته يغير فيه موطنه انتقل من الدنيا إلى الأخرة ، ولم يسأله أحد عن جواز السفر اكتفوا بشهادة وفاة .


فتح عينيه فتذكر أن اليوم إجازة فلا مانع من أن يطيل في نومه ، فنام ولما صحي وجد ساعة الحائط تشير إلى نهاية دوام العمل فاستيقظ وعاد لبيته ليستريح .

أدركت أن العمر مر ولم يأت الفارس فلم تندم فقد مضى زمن الفوارس وبتنا في زمن الذئاب فصات تنتظر ولو ذئب .

بنت بيتها على شاطئ البحر وعندما هدمته الموجة شكرتها فلقد منحتها فرصة لبناء بيت جديد .

كان ناقما على أمه فلم تعلمه أبدا كيف يربط رابطة العنق ولما سألها لما كبر أجابته أنت لم تلبس في حياتك سوى الجلباب .

قضى حياته مخلصا لها وقضت حياتها مخلصة إليه جاهدا نفسهما كثيرا فالحب لم يعرف لهما طريق

حين سألهم قالوا له ذاك الطريق وعندما سجد في صلاة الفجر في طريقه بإخلاص سقطت عيناه على الخريطة فأدرك الطريق .

سماه موسى وأعطى له عصا خرج موسى واحتار إلى أي الفراعين يذهب أولا وعندما قرر لم يجد هارون .

ذهب ليعترف وقال أنا قتلته بنفسي .. قالوا له أين الدليل ولما لم يجدوا دليلا برؤه رغم قتله إياه خرج من القسم ليدفن ضميره بعد أن قتله .

خيروه بين أن تحيا أو الفناء فاختار أن يحيا بلا فناء طالت حياته فمل وتمنى أن يموت


وجدهم يصلون فهرول للصف الأول وعندما انقضت الصلاة تذكر أنه لم يتوضأ فصدم وفي طريقه للوضوء تذكر أنه منافق فعاد وأكمل ركعتي السنة

وليد

Monday, October 13, 2008

مصرنا الأسيرة

مصر الأسيرة








لا أعرف ما الذي دفعني في ليل يوم أول أمس أن اجلس باحثا عن الأغاني والأناشيد الوطنية التي قيلت ما بعد الثورة أو وقت النكسة أو عند انتصار أكتوبر
في الحقيقة استمعت لأكثر من ساعتين حتى أغاني النكبة تذوقتها بوطنيه حتى اغاني عبد الحليم في تمجيد جمال عبد الناصر تذوقتها بوطنية استمعت كثيرا ...لعدى النهار... وحكاية شعب ....ومصر عادت شمسك الذهب ...وبسم الله وخلي السلاح صاحي...... ويا حببتي يا مصر يا مصر ....ووو... وجدتني أسقط في هيسترية من البكاء غريبة .
كنت كغيري قد ضاق صدري منك يا بلدي كنت أحس بما كان يقوله إيمان البحر درويش في أغنية نفسي ... يا بلدنا يابلد هوه من
إمتى الولد بيخاف من أمه لما في الضلمة تضمة ...، كنت قد أعلنتها صريحة بيني وبين نفسي غار نجمك وغاب قمرك وطفئ شمسك يا مصر وصرنا نرتقب الظلام الذي طال ، وبدا أن ليلك دون فجر أو نهار ... تحركت في صدري مشاعر تجاه مصر بلدي الغالية الحبيبة ، مصر التي في خاطري وفي دمي ، مصر الأزهر والحسين ... مصر النيل وخيره ... مصر ببساطة فلاحينها وهمة شبابها ... سرقوك يا مصر وأسروك .... مصر الأسيرة وهل على الأسير إثم ... مصر المسروقة السليبة وهل على المسلوب ذنب ... سرقت مصر في وضح النهار سرقت والصبح يتنفس وكنا نيام سرقت جهارا فتوارينا من السارقين كي لا يرونا ننظرهم ... سرقت يا مصر وأعدوك للبيع بثمن بخس دراهم معدودات .. هرول بعضنا ليحضر قسمتك عسى يرزق منها ويقال له من السارقين قولا معروفا ، وعمل أكثرنا سمسارا في بيعك فأولى لجحا لحم ثوره ... والبعض جلس يلعن البائع والمشتري ووسيطهما ، أما صاحب الهمة فينا فكان شاكيا حزينا وكما يقول هاشم الرفاعي فقد ألجمه السارقين ببطشهم ، وسعوا إلى الشاكي الحزين فألجموا بالرعب فاه ....من قال لا فله العصا حتى وإن كانوا قضاة ، حتى وإن كانت فتاه حتى إن كان في صباه ... ضرب القضاة وهتك عرض فتاه وضرب أطفال على أبواب مدرستهم ..... أهين علماؤك... سجن شرفاؤك.... ونزع شرف رجالك هرب مجرموك .... أخشى من تدخل سنة الله فيك ( إذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا )
نعتب عليك يا بلدي وأنت أسيرة اللصوص ككريمة سقطت في أيد لئام، حاولت القيام بعد أن أسقطوك وقيدوك احتجت لمن يفك قيدك فما وجدت.... بلدي ما عليك من جناح فقد حاولت ، ما هويت من هوى ، وما انطفئت لرغبة منك في ظلام ، قد أسقطوك وأطفأوك كي يرتعوا في ظلام ، والآن الآن بعد أن قد أنهكوك أحرقوك أخذوا منك الخير العظيم وخربوك والآن الآن أحرقوك ...ما أسهل أن نكمل لعبتنا نتوارى من السارقين كي نعيش في سلام ، أو قم وهلل واعترض فقد أجازوا لنا الكلام أه منا نهرب منك ونلعنك ونحملك الخطيئة ، ما أجمل ألا تحس بطعم المصيبة ، ما أجمل من أن تجد من يدفع عنك الضريبة ، لأن الصعب كل الصعب هو أن نكون رجال أن نهم لعونك بأي حال
.

وليد

Wednesday, September 26, 2007

لحظات






كيف سينام اليوم محمد فغدا عملية ياسمين ابنته ؟
كيف سينام في زنزانته ذات البوابة المصفحة بسجن طرة ؟
ترى كم مرة سيقوم من جلسته ليقف أمام تلك الكوة بالباب والتي لا تتجاوز مساحتها عرضا شبر يد وطولا عقلة اصبع يطتلع منها للخارج بعينيه يطوف ببصره في ظلام دامس إذا أخرج يده لم يكد يراها واذا ارتفعت عيناه لينظر الى السقف فلا يجد سوى حديد متعامد بعضعه على بعض تعلوه رقائق من الشبك الحديدي الاسود ينفذ بصره ليتعلق بهذا الضوء البعيد ضوء البدر ضوء الأمل .

كيف ستمر عليه لحظات ما بعد التاسعة صباحا ؟
هو يعلم الآن أن عملية ابنته قد بدأت وهو طبيب ويعرف الحالة جيدا ويعرف أن الطبيب يشق صدر ياسمين ابنته التي لم تبلغ من العمر 4 سنوات ليستكشف ويتخذ القرار ....
ماذا وجد الطبيب في صدر ياسمين ؟
هل الأمر يحتاج الى استئصال الغشاء البلوري فقط ؟
أم ترى الأمر يستدعي ان يستأصل جزءا من الرئة ( أسأل الله ألا يقدر ذلك )؟
أم ترى يتدخل الله بفضله وواسع رحمته والأمر لا يتعدى كحت ما تكون من صديد جاف على رئة ياسمين نسأل الله ذلك ؟
كيف نبضها وقت العملية ؟ هل ستحتاج لنقل دم أم لا ؟ هل فصيلتها متوفرة أم لا ؟ هل ؟ هل ؟ هل ....
الساعة الآن جاوزت الحادية عشر .... هل انتهت العملية أم ليس بعد .... ولو أنها انتهت بفضل الله وكرمه من سيطمئنه بتفاصيل الحالة فالعملية في السادس من أكتوبر ولن يستطع أحد أن يلحق بزيارة السجن لأن السجن يغلق أبواب زيارته اليومية في الساعة الحادية عشر والنصف ..... بل إن اليوم الخميس وغدا الجمعة .... هل سيظل هذا الأب لا يعلم ماذا حدث لأبنته في عمليتها حتى يوم السبت ...؟

كيف ستمر هذه اللحظات على د / أمل أم ياسمين ؟
كيف هي وهم يأخذون ياسمين من حجرتها لغرفة العمليات تنظر يمنة ويسرة تبحث عن عونها وسندها في هذه الحياة الدنيا ، تبحث عن سكينتها الذي يطمئنها ويهدأ من روعها فلا تجده فهو في سجنه سجن مبارك والعادلي ؟

كيف ستمر لحظات حساب كل ظالم ؟
هل هي لحظات أم سنون في هذا المشهد العظيم ؟
بماذا سيجيبون الخالق العادل الجبار المتكبر القوي ؟
كيف سيفرون من مظالم العبيد ؟
كيف ستكون حجتهم يوم يسأل كل عن حقه ؟
اللهم لا تفلتهم من عذابك وعقابك فما رعوا فينا رحمة ولا شفقة ولا إنسانية
اللهم بحق اسمك الرحمن واسمك الرحيم ارحم بهذا الأب وهذه الأم اللهم خفف عنهم البلاء بكرمك وجودك اللهم جاوز بهم تلك المحنة إلى بر خير ينعمون فيه بصحبة بنته ياسمين في خير صحة وعافية ... اللهم اذهب عنها البأس والشدة والمرض وعافها واعف عنها .. اللهم إجل اخر لحظاات ألم لها هي الغد وأرنا وافر الصحة والعافيه فيها يا ارحم الراحمين ، اللهم الطف بها وأسرتها وبأقاربها وبمحبيها وبمحبي أبيها ... خفف عنها يا رب خفف عنها يا رب اللهم آمين .

Saturday, September 22, 2007

إنه من يتق ويصبر فإن الله لا يضبع أجر المحسنين


- ياسمين محمد حافظ أربع سنوات إلا قليلا أمد الله في عمرها ورزقها حسن عمل وطول أجل في كبرها ....
ماشاء الله ذو وجه كالملاك تستريح إن نظرت إليه ، يحوي مزيجا من البراءة الشديدة والكثير من شقاوة الأطفال يبدو للناظر إليها أنها من هذا النوع القليل في عالمنا الآن الذي لم يطعم إلا حلالا ولم يسمع إلا طيبا ولم يرى في بيته إلا خيرا وكيف لا وهي ابنه الدكتور محمد حافظ والدكتورة أمل غلوش .....

- ماشاء الله عليها من الطبيعي أن يبدأ يومها هذه الأيام بالاستيقاظ المبكر والاستعداد للحضانة المدرسية وأن يخرج بها والدها محمد حافظ ليأخذها في سيارته لمدرستها هي وأخواتها سارة ومحمود ... تضع لها أمها السندوتشات في حقيبة مدرستها وتقبلها قبل النزول مع أبيها ... لكن ليت كل ما يتمناه المرء يدركه

ياسمين الأن في مستشفى عين شمس التخصصي في قسم الرعاية المركزة بمبنى د - صدر )-
( لها أكثر من سبعة أيام هناك عرضت على العديد والعديد من الأطباء وبدأت الحالة في التحسن الطفيف وهي الآن في انتظار اجراء جراحة بالرئة الله أسأل لها العافية والسلامة ........ من الطبيعي في هذه الحوادث أن يكون الأب هو القائم على أمر ابنته لاسيما وهو طبيب ......لكن محمد لم يكن موجودا معها لا في بداية مرضها ولا وقت دخولها الرعاية ولا وقت اتخاذ قرار إجراء العملية لإبنته بل إن هذا الأب لم يعلم بمرض ابنته إلا بعد مرور 5 أيام على ابنته في الرعاية المركزة ........ ففي الوقت الذي تخرج فيه أخته الدكتورة هالة مسرعة لأسعاف ياسمين ونقلها للمستشفى يخرج فيه محمد حافظ من سجنه بمزرعة طرة وفي الوقت الذي تركب فيه أمها سيارة الاسعاف لنقلها من مستشفى كليوباترا الذي رفض استلام الحالة يركب فيه محمد سيارة الترحيلات التي تقله إلى المحكمة العسكرية لحضور احدى فصول المسرحية الهزلية وفي الوقت الذي تلتف فيها يد الممرضة لحقن البنت ذات الاربع سنوات لتركيب المحاليل لها تلتف يد غليظة لأحد الشويشية حول يد محمد ليضع فيها القيد والأغلال .

( إنما يوفى الصابرون أجرهم بغير حساب )
- لك الأجر كاملا من هذا الابتلاء يا محمد وبلغك الله مقام الصابرين المحتسبين الراضين بقضاء الله بإذنه وأسأل الله لك الصبر يا أم سارة على هذا الاحتساب والرضا بكل هذه المحن ، ولك الأجر كاملا على هذا المجهود الذي يعجز عنه الرجال يا دكتورة هالة في رعايتك وجاهزيتك في تعاملك مع الحدث أسأل الله لكم الأجر كاملا غير منقوص بإذن الله
( إنما يوفى الصابرون أجرهم بغير حساب )

( وَٱلَّذِينَ يُؤْذُونَ ٱلْمُؤْمِنِينَ وَٱلْمُؤْمِنَـٰتِ بِغَيْرِ مَا ٱكْتَسَبُواْ فَقَدِ ٱحْتَمَلُواْ بُهْتَـٰناً وَإِثْماً مُّبِيناً )
- لكم الإثم كاملا غير منقوص يا من حرمتم هذا الأب من ابنته في حادث كهذا لكم الإثم كاملا يا من نهبتم أموال هؤلأء المصلحين وأغلقتم مصادر رزقهم ، لكم الاثم كاملا يامن شهدتم زورا في المحاكم والنيابات أسأل الله لكم الاثم كاملا غير منقوص .
( وَٱلَّذِينَ يُؤْذُونَ ٱلْمُؤْمِنِينَ وَٱلْمُؤْمِنَـٰتِ بِغَيْرِ مَا ٱكْتَسَبُواْ فَقَدِ ٱحْتَمَلُواْ بُهْتَـٰناً وَإِثْماً مُّبِيناً )

ويعلم الله اننا لا نكتب هذه الكلمات استعطافا لقلوبكم فعن أي عطف نبحث في في قلوب خربة استهانت بشهادة الزور وسرقة الأموال من الخزن وترويع الاطفال والنساء فليس هذا هدفنا وانما هدفنا هو كشف ظلمكم وفسادكم ولقد تركنا مظالمنا لله يوم لا ينفع مال ولا بنون إلا من أتى الله بقلب سليم ، يوم لا ينفعك منصبك ولا وزيرك ولا رئيسك اسمع هذا الحديث لتعرف حالك يومها .....
روى الإمام أحمد عن النبي صلى الله عليه وسلم: "الدواوين ثلاثة، فديوان لا يعبأ الله به، وديوان لا يغفره الله أبدا، وديوان لا يتجاوز الله عنه، فأما الذي لا يعبأ الله به هو ظلم العبد نفسه، والذي لا يغفره الله هو الشرك، والذي لا يتجاوز عنه هو ظلم العبد لغيره"

مَّنْ عَمِلَ صَالحاً فَلِنَفْسِهِ وَمَنْ أَسَاء فَعَلَيْهَا وَمَا رَبُّكَ بِظَلامٍ لّلْعَبِيدِ

نلتمس من الاخوة والأخوات من استطاع الزيارة فلا يتردد ومن لم يستطع فلا ينساها في دعاءه فلتكن دعوتك حين فطرك أن يشف الله ياسمين ويعافيها في بدنها من كل سوء
مبنى د مستشفى عين شمس التخصصي رعاية صدر الدور الثاني الزيارة من 3 : 4

Monday, May 14, 2007

أقلك نفسك في إيه ؟؟؟



أقلك نفسك في إيه
نفسك تصرخ ... تصرخ وتصرخ نفسك تخرج كل هم وغم وكرب عشش في جنبات صدرك .... نفسك تبكي أيوة نفسك تبكي يمكن تخرج روح اليأس والحزن اللي بدأت تتسرب إلى كل خلية من خلايا جسمك نفسك تضرب بإيديك الصخر يمكن قوة الضربة تقتل الظلم اللي اصبح ليلنا ونهارنا ... نفسك ينتهي الكابوس بقه لأنه طول أوي صح ؟ ... نفسك نفسك يكون ده كابوس وتقوم منه أقولك نفسك في إيه كمان نفسك تشوف خيرت في مكتبه اللي أمام حديقة الطفل أو وهوه واقف شامخ في فرح أو عزاء أو مناسبة من مناسبات الاخوان فتشعر بعزة جماعتك ونفسك تشوف حسن مالك وهوه بيصلي يوم الجمعة عند الشيخ عبد الستار مع أولاده ونفسك تشوف محمد حافظ وهوه بيدور على مسجد عشان يدرك فيه تكبيرة الاحرام لأنه مبييفوتهاش أقلك نفسك كمان في إيه نفسك تشوف محمود المرسي وهوه راكب عربيته الفولكس وماشي بيها مع بنته أماني راجعة من امتحانها نفسك كمان تسمع كلمة إزيك يا خويا عارفها دية بتاعة مين بتاعة أيمن ميسلمش عليك إلا لما يحضنك ويقولهالك إزيك يا خويا الله نفسك تسمعها ونفسك تحس بدفء الاخوة من نبرتها .. أقولك نفسك في إيه كمان نفسك تشوف فرحة عبد الحافظ يوم خروج خيرت وإخوانه غريبة صح ؟ بس والله نفسك فيها لانك عارف ان عبد الحافظ ده إنسان بيحب بجد وأخ بجد ربنا يحفظه ، نفسك تاخد محمد حافظ في عربيتك يوم خميس وتسافر اسكندرية وتشغل البردة .... نفسك تلاقي موبيلاك بيرن وتبص تلاقي اسم اللي بيرن محمد حافظ أو محمد عبد العال نفسك نفسك تقول آآآآه نفسك .. نفسك ربك يفرجها من عنده لأنها ضاقت وملهاش حل إلا عنده يارب يارب يارب فرج كربهم يا رب ليس لنا أحد سواك نطمع في عدلك فقد رأينا عدل القضاة ونطمع في فرجك فقد رأينا قيد الطغاه يارب يا رب فرج الهم واكشف الكرب يا رب أنت الأعلم بما في نفسي وبما في نفس الأطفال والزوجات والأباء والأمهات وما في نفس كل من يرجو الصلاح لا الفساد اللهم إنا في انتظار فرجك فلا تبطئه

Saturday, April 14, 2007

مش عاوز تاخد حاجتك ولا إيه يا دكتور !!!!






السلام عليكم
- وعليكم السلام .. دكتور محمد عبد العال
- أيوة مين معايا ؟
- مش عاوز تاخد حاجتك ولا ايه يا دكتور ... عاوزينك تيجي تتعرف على حاجتك
- حاجة ايه
- الكمبيوتر والكاميرا اللي اتخدوا منك في المطار ... يا ريت تشرفنا في لاظوغلي علشان تاخد الحاجة
- حاضر أنا بس معايا شغل وهجلكم على العصر

- السلام عليكم
- وعليكم السلام أيوة يا محمد إيه االأخبار أخدت حجتك
- طلعوا بيكذبوا حركة عاملينها عشان يمسكوني .... وأنا هترحل دلوقتي لأمن دولة شبرا
- طيب انت بتتكلم منين .......
- ......................

هذا ما حدث عصر الخميس الموافق 12/ 4 / 2007
محمد عبد العال الأستاذ بكلية طب عين شمس جراح التجميل الحاصل على 2 دكتوراة في مجاله والأب لهاجر عشر سنوات وحمزة تسع سنوات وعمر سبع سنوات وعلي ثلاث سنوات والذي منع من السفر إلى اليمن لإجراء العديد من عمليات جراحة التجميل وتم مصادرة جهاز الكمبيوتر الخاص به وكاميرته الديجيتال وبعض الأجهزة المستخدمة في مجال عمله
الآن محمد في قسم أول شبرا ينتظر العرض على نيابة شبرا بمجمع محاكم شبرا يجلس وسط تجار البانجو والحشيش واللصوص .. صحيح اعتدنا هذا في الفترة الأخيرة .. اعتدنا أن يكون الشرفاء خلف القضبان ... اعتدنا أن تلفق قضايا ما أنزل الله بها من سلطان لعلماء هذه البلاد ... بل أصبح جل أملنا أن يحاكم هؤلاء المظلومين أمام القضاء المدني دون القضاء العسكري وأصبح منتهى منانا أن يكون الاعتقال
في سجن المزرعة وليس في سجن المحكوم حيث الجنائيين والمخدرات والأماكن غير الآدمية للتحفظ على هؤلاء العلماء... أصبح من الطبيعي أن تكون القضايا الأخيرة لا علاقة لها بالمنطق فمحمد عبد العال أ/ جراحة التجميل بطب عين شمس يدرب طلاب ويدعم طلاب بمعهد التعاون الزراعي ، ونادر توفيق المهندس الاستشاري الذي يسكن العجوزة وفترة تواجده خارج البلاد تفوق تواجده داخلها يقوم بنفس الدور
إن من يسأل نادر توفيق أو عبد المنعم محمود أو سالم ( المتهمون بالقضية الأخيرة ) عن مكان أو موقع أو حتى عن اسم هذا المعهد ( التعاون الزراعي ) الذي اتهم طلابه ظلما بتنظيم عرض عسكري لن يجد لديهم أية إجابة فما علاقة هؤلاء بهذا المعهد بل إن شهادة عميد المعهد والتي نفى فيها هذا الاتهام عن الطلاب وأعلن في انتصار للحق ودفع الظلم عن طلابه أن القضية سياسية وليس للطلاب علاقة بتلك الاتهامات لدليل صارخ على تلفيق تلك القضايا ....
تساؤلات تدور في أذهان كل من يعاصر تلك الأحداث ...
- تساؤل حمزة ابن الدكتور محمد عبد العال ... همه ليه بيكذبوا وبيقولوا لبابا تعالى خد حاجتك ؟؟؟
- تساؤل زوجة الدكتور محمد وإيه علاقة محمد بالمعهد ده ؟؟؟
- تساؤل أحد ضباط الترحيلات ( وهو يقف في ترحيلة نادر توفيق ) طب إيه لم الشامي على المغربي ومال المهندس بتاعكم ده بالطبة بتوع المعهد ؟؟؟



تساءل يطرحة أبناء دكتور محمد عبد العال همه اعتقلوا بابا ليه ؟



- تساؤل يسأله الجميع هيه مصر راااحة فين ؟؟؟
وليد